Бүгін Астанаға Еуропалық Кеңес президенті Антониу Кошта ресми сапармен келеді

Бүгін Астанаға Еуропалық Кеңес Президенті Антониу Кошта ресми сапармен келеді, деп хабарлайды Orda.kz.

Биыл Қазақстан Республикасы мен Еуропалық Одақ арасындағы Кеңейтілген әріптестік және ынтымақтастық туралы келісімге қол қойылғанына 10 жыл толады. 

Еуропалық Одақ – Қазақстанның ең ірі инвестициялық әрі сауда серіктесі. Елге келетін шетелдік қаржының көбі Еуропадан түседі, бұл жаңа жұмыс орындары мен технологияларға жол ашады.

Қазақстандық мұнай мен уранның басты сатып алушысы да осы ЕО. Сондықтан осы әріптестік ел экономикасының тұрақтылығына тікелей әсер етеді. Бұдан бөлек, білім, виза, мәдени байланыстар сияқты азаматтарға пайдалы бағыттар да дамып келеді.