БҰҰ миссиясы Ресей мен Украинаны әскери тұтқындарды қырып салды деп айыптайды

БҰҰ Ресей мен Украинаны әскери тұтқындарды «тірі қалқан» ретінде пайдаланып, азаптаумен қатар оншақты адамды  өлім жазасына кесті деп айыптайды.

Мониторинг миссиясының бақылаушылары 400-ге жуық адамнан – Украинада тұтқында болған Ресей азаматтарынан және босатылған украиндардан сұхбат алған. Euronews жазғандай, БҰҰ есебінде сарапшылардың Ресейде немесе басып алынған Украина территорияларында ұсталған әскери тұтқындарға қолы жетпегені айтылған.

— Біз 25-ке жуық ресейлік әскери тұтқынның және Украина Қарулы Күштерінің ұрыс қимылдарына қатысуын тоқтатқан адамдардың құжатталған жосықсыз қазасына қатты алаңдаймыз, - деді Миссия басшысы Матильда Богнер Киевте өткен баспасөз мәслихатында.

Баяндама авторлары Украина билігі 22 ресейліктің өліміне қатысты істі тергеп жатқанын, бірақ істің ешқайсысы сотқа жеткізілмегенін алға тартады. Сондай-ақ, қазір украиналық тұтқындарды өлім жазасына кесу фактісі бойынша Ресейдің қандай да бір тергеу әрекеттері туралы ақпарат жоқ.

— Сонымен қатар біз Ресей күштері тұтқындаған 15 украиндық тұтқынның сотсыз өлім жазасына кесілуіне қатты алаңдаймыз. 11 жағдайда мұндай әрекеттерді Вагнер тобы жасаған,- дейді Матильд Богнер.

Баяндамада сондай-ақ азаптау немесе қатыгездік салдарынан украиндық әскери тұтқындардың бес өлімі, сондай-ақ қамауда болған кезде медициналық көмектің жоқтығынан төрт өлім тіркелген.

АУКЖК есебі 400 әскери тұтқынға жүргізілген сауалнамаға негізделген, олардың 142-сі украиндық. Ал 258-і Украина тұтқынынан босатылған ресейлік әскери қызметшілер.

Біріккен Ұлттар Ұйымы бақылау миссиясының Ресейде немесе Ресей Қарулы Күштері бақылауындағы аумақта тұтқында жатқан әскерилерге қол жеткізе алмайтынын атап өтті.