БҰҰ ЦАХАЛ-ды балалар құқығын бұзушылар ретінде қара тізімге енгізді

БҰҰ Бас хатшысы Антониу Гутерриш Израиль қорғаныс күштерін (ЦАХАЛ) қақтығыс кезінде балаларды қорлаушылардың қара тізіміне қосты. 

Бұл туралы Ynet тұрақты өкілдіктің мәлімдемесіне сілтеме жасап хабарлайды.

«Бүгін Израильдің БҰҰ жанындағы Тұрақты өкілі Гилад Эрдан БҰҰ Бас хатшысынан өзінің аппарат басшысы арқылы Израильді тиісті шараларды қабылдамаған елдер мен қарулы ұйымдардың тізіміне енгізу шешімі туралы ресми хабарлама алды. БҰҰ Бас хатшысының балалар мен қарулы қақтығыстар туралы баяндамасына қосымша ретінде қақтығыс кезінде балаларды қорғау туралы айтылған» делінген хабарламада. 

Онда ЦАХАЛ «балаларға қатысты бұзушылықтар жасайтын тарап ретінде» қара тізімге енгізілгені нақты айтылды.