БҰҰ Бас Ассамблеясы бюжетін 3,4 миллиард долларға жоспарлады

БҰҰ Бас ассамблеясы биылғы жылғы  соңғы отырысында ұйымның 2023 жылға арналған бюджетін 3,4 миллиард доллар көлемінде қабылдады.

ТАСС агенттігінің хабарлауынша, бюджет 30 желтоқсанда бекітілгеннен кейін Бас ассамблеяда дауыс берусіз қабылданған. Бұл туралы БҰҰ Бас ассамблеясы президентінің баспасөз хатшысы Полина Кубияк мәлімдеді.

«Бюджет 3,4 миллиард долларды құрады», - деп мәлімдеді ол.

Бір қызығы, 2022 жылы ұйымның бюджеті 3,1 миллиард доллар болды. Бас Ассамблеяның 77-сессиясының президенті Чаба Кёрёшидің айтуынша бұл қаржы  әлем бетпе-бет келіп отырған өзара байланысты көптеген дағдарыстармен күресуге көмектеседі екен.