«Бұтына жіберіп қойды»: БҚО прокуроры шудан соң қызметтен кетті

Батыс Қазақстан облысының табиғатты қорғау прокуроры Абылай Бисқалиев қызметінен кетті. Оның себебі интернетте оның мас күйде бұтына жіберіп қойған бейнежазбасының таралуы болып отыр, деп хабарлады Orda.kz.

Facebook желісінде жарияланған бейнежазба біраз жұрттың назарын аударып, қызметтік тергеу жүргізуге тура келген еді.

Өңірлік прокуратура Бискалиевтің өз еркімен қызметтен кеткенін растап, бейнежазба жарияланған күні оның денсаулық тексеруінен өтіп, мас емес екені анықталғанын хабарлады. Алайда, қоғамдық пікірдің әсерінен прокурор өзінің моральдық бейнесін сақтау үшін қызметінен кету туралы өтініш бергенін атап өтті.