Бұрынғы жігіті үшін блогер өз-өзіне қол жұмсады

27 жастағы Айлуна Рахым өз-өзіне қол жұмсау себебін хатта жазып қалдырған.

Айлуна Рахымның құрбысы НеМолчиKZ қорына үндеу жолдады.

Алматы қаласында 27 жастағы Айлуна Рахым өз-өзіне қол жұмсап қайтыс болды. 11 маусымда кешкі сағат 7 лер шамасында оның денесін тапты. Айлуна өз-өзіне қол жұмсауының себебін хатқа жазып қалдырды.

«НеМолчиKZ-ке 27 жастағы Айлуна Рахымның құрбылары жазды. SMM болып жұмыс істеген Айлунаның ата-анасы жоқ, қамқоршы апайынан бөлек тұрған. 11 маусым кешкі сағат 7-де оның денесі табылды. Суицид жасаған блогер қыз өліміне бір жігітті кінәлап, хат жазып қалдырған. Мұқият тергеу жүргізу маңызды. Бізде көп скриндер және хабарлама бар. Қарым-қатынаста проблемалар болғаны анық. Алматы полиция департаментінен қай бап бойынша іс ашылғанын хабарлауды сұраймыз» деп жазды қор.

Қор мүшелері қызға қолдау жетіспегені туралы жазды.