Бұрынғы әкім пара алғанын мойындады

Қостанай облысы Қарасу ауданының бұрынғы әкіміне қатысты қылмыстық іс қозғалды.

Экс-шенеунік пен тағы бірнеше шенеунік жемқорлыққа қатысы бар деген күдікке ілінген.

Бұл туралы TobolInfo хабарлайды.

Бұрынғы әкім Виктор Радченко кінәсін мойындап, процессуалдық келісімге келуге дайын.

«Қарасу ауданы әкімі аппаратының лауазымды тұлғаларына қатысты ҚР Қылмыстық кодексінің 366-бабының 2-бөлігі, 367-бабының 2-бөлігі, 368-бабының 1-бөлігі бойынша тергеу жүріп жатыр, күдіктілердің бірі В.Н.Радченко» деп хабарлады Сыбайлас жемқорлыққа қарсы қызмет басылымға.

Іс жол жөндеумен айналысатын компаниядан пара алу туралы болып отыр.

Виктор Радченко 2024 жылдың наурыз айында қызметінен кеткен.