«Бұрынғы әйелін азаптаған»: Рудный тұрғыны екі жылға сотталды

Қарағанды облысында Рудный қаласының тұрғыны бұрынғы әйелін азаптап, ұрып-соғып келгені үшін 2 жылға сотталды. 

Бұл туралы Қарағанды облыстық соты хабарлады.

Айыпты 2023 жылдың қарашасынан 2024 жылдың сәуіріне дейін бұрынғы әйелі Б.-ға үнемі физикалық және психикалық азап көрсетіп келді. 2024 жылдың 4 сәуірінде ол бұрынғы әйелінің бел омыртқаларын сындырды. Бұл сот-медициналық сараптама қорытындысымен орташа ауырлықтағы зиян екені анықталды.

Прокурор айыпты С. есімді азаматқа қатаң режимдегі қылмыстық-атқару жүйесі мекемесінде екі жыл бас бостандығынан айыру жазасын сұрады. Айыпталушы С. өз кінәсін мойындамады. Ал жәбірленуші Б. жазаны сот қарауына қалдырды.

Сот айыптыға екі жыл бас бостандығынан айыру жазасын тағайындады. Ол жазасын қатаң режимдегі қылмыстық-атқару жүйесі мекемесінде өтейді.

 Сондай-ақ, сотталған С.-дан жәбірленуші Б.-ның пайдасына моральдық зиянның өтемақысы ретінде 3 000 000 теңге алынады.

Үкім заңды күшіне енген жоқ.