Бұрынғы Әділет министрі Бекетаевты қамауда ұстау мерзімі 3 айға ұзартылды

Бұрынғы Әділет министрі Бекетаевқа қатысты қылмыстық істің тергеуі аяқталып, қамауда ұстау мерзімі ұзартылды, деп хабарлайды Orda.kz.

Сыбайлас жемқорлыққа қарсы күрес агенттігі баспасөз қызметінің мәліметінше Марат Бекетаевқа қатысты қылмыстық істің тергеуі аяқталды. Қазір қылмыстық іс қатысушылары іспен танысуда, кейін іс сотқа жолданады. Сонымен қатар, сот қамауда ұстау мерзімін 19 қыркүйекте бірден 3 айға ұзартты. 

«Астана қаласының мамандандырылған ауданаралық соты күдікті М.Бекетаевқа қатысты қамауда ұстау шарасын 2024 жылдың 21 желтоқсанына дейін ұзартуға санкция берді» делінген хабарламада.