Burger King-тегі дау: Компания шетелдік екі басшыны жұмыстан шығарды

Burger King Kazakhstan аумақтық басшылары Сергей мен Анастасияны жұмыстан босатты, деп хабарлайды Orda.kz.

Бұл туралы Burger King өзінің әлеуметтік желісіне жазды. Олардың мәліметінше, жұмыстан қуылғандардың іс әрекеті іскерлік әрі этикалық коммуникация талаптарына сәйкес келмейді

«Қабылданған шешімдер аясында аумақтық басқарушылар Сергей мен Анастасия енді компанияда жұмыс істемейді. Burger King Kazakhstan Қазақстан азаматтарының ар-намысына тиетін кемсітушіліктің кез келген түрін, құрметсіздік көріністерін немесе қорлайтын сипаттағы мәлімдемелерді үзілді-кесілді қабылдамайды» деп жазылған Burger King Kazakhstan компаниясының ресми мәлімдемесінде.

Компания тексеріс әлі де жалғасып жатқанын және Жанат Қаратайға алдағы қадамдарды талқылау және жағдайды реттеу мақсатында әңгімелесу туралы ұсыныс жолдағанын хабарлады.

«Burger King Kazakhstan қызметкерлерді жұмысқа қабылдау және олармен жұмыс істеу барысында инклюзивтілік пен тең мүмкіндік қағидаттарын ұстанады. Әрбір адамға құрметпен қарау – біздің корпоративтік мәдениетіміздің ажырамас бөлігі», — деп қосты Burger King өкілдері.

Айта кетейік, бұған дейін Жанат Қаратай өзінің Threads әлеуметтік желісінде аутизмі бар Әлібек есімді ұлын жұмыстан шығарғалы жатқанын жазған болатын. 

Оқи отырыңыз:

• Burger King жанжалы: Шетелден келген басшы инклюзив жігітті қудалап жатыр ма?
• Burger King желісіндегі дау: Басшылардың бірі уақытша шеттетілді
• 4 баласы бар: Пашинян азаматтық некедегі әйелімен ажырасты