«Бұл — суицид»: Алматыдағы оқушылар өлімі туралы ІІМ пікірі

Ішкі істер министрінің орынбасары Игорь Лепеха Алматыда көпқабатты үйдің шатырынан құлап, қайтыс болған екі мектеп оқушысының өлімі туралы пікір білдірді, деп хабарлайды Orda.kz.

Оның айтуынша, қыздар суицид жасады.

«Бұл — суицид. Өлімге итермелеу фактісі бойынша іс қозғалды. Істің мән-жайын толық айта алмаймын», — деді Игорь Лепеха. 

Алматыда екі қыз көпқабатты үйдің шатырынан құлап, қайтыс болды. Оқиға 16 қыркүйек күні таңғы 10 шамасында Алмалы ауданында болды. Қаза болған қыздардың бірі Айша — танымал эколог Евгений Мухамеджанов пен суретші Балқия Мұхамеджанованың қызы екені белгілі болды.