Бүгін Тоқаев пен Путин Сочиде келіссөздер жүргізеді

Бүгін президент Қасым-Жомарт Тоқаев Сочи қаласында Ресей президентімен кездесіп, екі елдің стратегиялық серіктестігінің өзекті мәселелерін, соның ішінде сауда-экономикалық ынтымақтастығын одан әрі дамыту тақырыбын талқылайды.

Ақорданың баспасөз қызметі 24 тамыз күні Мемлекет басшысы Әзірбайжан Республикасының Президенті Ильхам Әлиевтің шақыруымен Баку қаласына ресми сапармен баратынын да хабарлады.

Әзірбайжан астанасында екі ел басшыларының шағын және кеңейтілген құрамдағы кездесулері жоспарланып отыр.

Келіссөз барысында сауда-экономикалық, көлік-логистикалық, инвестициялық, мәдени-гуманитарлық ынтымақтастықты одан әрі нығайтуға баса мән беріле отырып, қазақ-әзербайжан стратегиялық серіктестігін дамыту мәселелері қарастырылады. Сонымен қатар екіжақты бірқатар құжатқа қол қойылады.