Бүгін Қазақстанда Домбыра күні

Қасым-Жомарт Тоқаев Қазақстан халқын Ұлттық домбыра күнімен құттықтады.

Қазақстан Президенті өзінің Twitter парақшасында құттықтауын жариялады:

«Баршаңызды Ұлттық домбыра күнімен құттықтаймын! Бұл көне музыкалық аспап халқымыздың жан дүниесін, салт-дәстүрі мен мәдениетін бейнелейді. Ұлттың рухын көтеріп, мерейін өсіретін домбыра біздің баға жетпес байлығымызға, ұлттық нышанымызға айналды. Біз домбыраны танымал етуге бар күшімізді саламыз», – деп жазды Мемлекет басшысы.

Қазақстанда Домбыра күні шілденің бірінші жексенбісінде тойланады. Айта кетейік, бүгін қазақстандық дипломаттар өздерінің кәсіби мерекесі - Дипломатиялық қызмет күнін атап өтуде.