Будапешттегі жарысты қазақ балуандары медальсіз аяқтады

Венгрияның Будапешт қаласында күрестен ірі рейтингтік турнир аяқталды. Грек-рим күресінен қазақ балуандары жүлдесіз қалды, деп хабарлайды оlympic.kz сайты.

60 келіге дейінгі салмақта Айдос Сұлтанғали бірінші белдесуінде Оңтүстік Корея өкілі Дахун Кимге есе жіберді. 77 келіге дейінгі салмақ дәрежесінде Демеу Жадраев та бірінші белдесуінде әзірбайжандық Санан Сулеймановтан жеңілді.

«87 келіге дейінгі салмақта Қазақстан намысын екі спортшы  - Шамиль Ожаев пен Нұрсұлтан Тұрсынов қорғады. Ожаев алғашқы белдесуінде жеңіске жеткенімен, кейін түрік Али Денгизге есе жіберді. Тұрсынов 1/8 финалда венгриялық Давид Лосонжиден ұтылып, жұбаныш раундында ирандық Мохаммадхосейн Махмудиден басым түсті» деп хабарлайды ҰОК баспасөз қызметі.

Осылайша, қазақстандық грек-рим балуандары жүлдесіз қалып, бұл турнирде жетістікке жете алмады.

Венгриядағы турнир спортшылар үшін маңызды тәжірибе болды, оларды болашақта  жаңа жарыстар мен өзін көрсетуге мүмкіндіктер  күтіп тұр.