Бублик Францияда өтетін ATP-250 финалында чемпиондыққа таласады

Қазақстанның бірінші ракеткасы Александр Бублик бүгін Монпельедегі ATP-250 сериясы турнирінің финалында чемпиондық үшін күш сынаспақ.

Финалда Бублик әлемнің үшінші ракеткасы, германиялық Александр Зверевпен өнер көрсетеді. Финалдық кездесу Нұр-Сұлтан уақытымен 20:00-де өтеді.

Бұған дейін қазақстандық теннисші жартылай финалда серб Филип Кражиновичті (әлемнің 36-шы ракеткасы) екі сетте ұтқан болатын.

Қорытынды есеп 6:4, 6:2. Кездесу бір сағаттан сәл астам уақытқа созылды. Осы уақыт ішінде Александр 12 эйс жасап, 2 рет  қателік жасады.