«Бруцеллез табылды»: Қостанай облысында карантин жарияланды

Қостанай облысының Новоселов ауылдық округінде карантин жарияланды, деп хабарлайды Orda.kz Halyqstan-ға сілтеме жасап. 

Әулиекөл ауданының Новоселов ауылында күрделі эпизоотиялық жағдай тіркелді. «Инспек» жеке шаруашылығында ірі қара малдан бруцеллез қоздырғышы анықталды.

Жергілікті әкімдік өңірге жануарларды әкелуге және әкетуге тыйым салды. Сондай-ақ шөп пен сабан сияқты азықтарды таратуды шектейтін қаулы шығарды. Ауылдағы малдар оқшауланды. Ветеринар дәрігерлер санитарлық шараларды жүргізе бастады.

Өлген малдың саны және аурудың одан әрі таралу қаупі туралы әлі мәлімет жоқ. 

Қостанай облыстық ветеринарлық  басқармасының басшысы Төлеген Иманбаев өткен жылы Әулиекөл ауданының аумағында бруцеллездің 164 жағдайы тіркелгенін айтты.