Британдық теміржолшылар алты айға созылған ереуілдерін тоқтатты

Оларға жұмыс берушіден жаңа ұсыныс түскені хабарланды.

Британдық теміржол, теңіз және көлік кәсіподақтары RMT теміржолшылардың барлық ереуілдерін тоқтатқанын хабарлады.

«Жұмыс берушіден жаңа ұсыныс түскеннен кейін барлық ереуілдерді тоқтату туралы шешім қабылданды»  делінген кәсіподақ хабарламасында.

Ұлыбританияда он мыңдаған теміржолшы өткен қыркүйектен бері жалақыны көтеруді және еңбек жағдайын жақсартуды талап етіп отыр. Осы уақыт ішінде олар үнемі ереуілге шықты, бұл теміржол көлігі жұмысына елеулі кедергі келтірді.

Соңғы уақытта Ұлыбританияны ереуілдер толқыны басып қалды. Медицина қызметкерлері, бюджеттік сала қызметкерлері, мұғалімдер жалақының шарықтап тұрған инфляцияға төтеп бере алмайтындығынан наразылық білдіруде.