Британдық штамм Беларуссия мен Түркияға келді

Коронавирустың «британдық» штамын жұқтырудың алғашқы жағдайлары Беларуссияда анықталды.

Науқастарда мутацияланған вирустың болуы Республикалық эпидемиология және микробиология ғылыми-практикалық орталығы мамандарының зерттеулерімен расталды. Британдық штамның алғашқы үлгілерін беларуссиялық мамандар шетелден: Польша, Украина, Египеттен келген адамдардан тапты.

Ал Түркияда коронавирустың британдық штамын жұқтырудың 40 мыңнан астам жағдайы анықталды, деп хабарлады Түркияның денсаулық сақтау министрі Фахреттин Кожа өзінің Twitter-дегі парақшасында.

Еске салсақ, 2020 жылы 13 наурызда Қазақстанда коронавирустың алғашқы жағдайы тіркелді. Ал британдық штамм әлі елімізде табылмады.