BRICS елдері БҰҰ реформасын талап етеді

BRICS жаһандық басқару құралдарын жақсарту үшін БҰҰ-н реформалауға шақырады.

Біріккен Ұлттар Ұйымы Бас Ассамблеясының 77-сессиясы аясында БРИКС-ке мүше елдердің Сыртқы істер министрлерінің кездесуі өтті. Онда БҰҰ-ны реформалау мәселесі де көтерілді. Кездесу барысында елдердің министрлері барлық елдерге жаһандық үдерістерге қатысуға мүмкіндік беретін реформаларды талқылады.

«Министрлер жаһандық басқару институттары мен құралдарын анағұрлым инклюзивті, өкілді, қатысушы және демократиялық ету үшін көпжақты жүйені, әсіресе БҰҰ мен оның негізгі органдарын нығайту мен реформалауға бейілділіктерін қуаттады» деп келтіреді Anadolu министрлердің қорытындыларын.

Қауымдастықтың сыртқы істер министрлері реформа дамушы және аз дамыған елдерге, әсіресе Африка елдеріне жаһандық шешімдер қабылдау процестері мен құрылымдарына қатысуға мүмкіндік беруі керек деп санады.

Сонымен қатар, БРИКС мүшелері бұлыңғырлық, кемсітушілік және протекционизмді жеңу үшін Дүниежүзілік сауда ұйымы (ДСҰ) мен Халықаралық валюта қорын (ХВҚ) реформалауға шақырды.

20-27 қыркүйек аралығында Нью-Йоркте БҰҰ Бас Ассамблеясының 77-сессиясы өтуде.

BRICS (БРИКС) — қысқаша Brazil, Russia, India, China, South Africa) — бес елдің мемлекетаралық қауымдастығы.