Бозжыра шатқалындағы қонақ үй дауы әлі шешімін таппады

Маңғыстау облысында Бозжыра шатқалындағы қонақ үй төңірегіндегі дау былтырғы жылдың аяғынан бері басылған жоқ. Экобелсенді Ажар Жандосованың теңдесі жоқ жартастардың қасында ғимарат салу жоспарланғаны туралы пікірін Азаттық жариялады.

Маңғыстау облысы әкімдігі сайтында қонақ үй салу жоспарына қатысты құжат пайда болды. Материалға сүйене отырып, белсенділер «қоғамды адастырып жатыр» деген қорытындыға келді.

Жобаның сипаттамасына сәйкес бұл жерде қонақ үймен бірге тікұшақ алаңы, кофехана, шай бөлмесі, дүңгіршек, фитнес залы, спорт тауарлары дүкені, ат қора, ашық бассейн, SPA және термалды бассейн салынбақ екен.

«Біз олардың нысанды алысырақ салуға шешім қабылдадық дегеніне алдандық. Шын мәнінде, олар төрт шақырым қашықтықта нысандардың көріну шегінен аз ғана жылжыған. Олар жобаның Бас жоспарын ҚОӘБ-мен ұсынды, бірақ Бозжыраның көрікті жерлері орналасқан сызбада ол мүлдем түсініксіз. Төрт шақырымдық қашықтық - бұл көріну қашықтығы, бәрібір нысан барлық нүктелерден көрінеді деп ескертеміз», - деді Жандосова газетке.

Экобелсендінің айтуынша, жобада қажетсіз нысандар тым көп. Мысалы, бассейн, мейрамханалар, барлар, ат қоралар бар.

Жандосова «кім осының бәріне оң қорытынды берген, кім жобада бәрі жақсы деп жазды?», - деген сұрақ қойды.