Бортта орын жеткіліксіз: 12 жасар қызды ұшаққа кіргізбеген Air Astana өтемақы төледі

«Air Astana» 12 жастағы Зере Ғалиеваның анасына өтемақы төледі, деп хабарлайды Orda.kz.

Бұл туралы отбасының адвокаты Дәнелхан Шағатаев өзінің Telegram-арнасында мәлімдеді.

Оның айтуынша, әуе компаниясы әкімшілік айыппұл мен моральдық шығын өтеуін қосқанда жалпы сомасы 8 692 000 теңге шығынға ұшыраған. Шағатаев бұл сот ісі үлгі алатын жағдай екенін атап өтті.

«Бұл атышулы іс жолаушылар тасымалына қатысты қолданыстағы заңнамаға, соның ішінде FlyArystan әуе компаниясының ережелеріне түзетулер енгізу себептерінің бірі ғана. Азаматтар үшін, ең алдымен, үлгі алатын жағдай, оларға сенім артуға болатын шешім бар. Кәмелетке толмаған балалардың құқықтарын бұзу жағдайлары қайталануы мүмкін», - деп бөлісті адвокат.

Өткен жазда 12 жастағы Зере Ғалиева Астанадан Оралға ұша алмай қалған. Ол егізінің сыңары және эскортпен бірге сапарға шығуы керек еді, бірақ ұшақтың ауысуына байланысты бортта қызға орын болмады.

Зере әуежайда жалғыз қалды, оны заңды өкілінің рұқсатымен анасының құрбысы алып кетті. Ертеңінде қыз Оралға өз бетімен кеткен. Өткен жылдың қазан айында Алматының Түрксіб аудандық соты әуе компаниясын Зеренің анасына 5 миллион теңге өтемақы төлеуге міндеттеді. Air Astana сот шешіміне шағым түсіре алмады.