«Бортта балалар болған»: Тағы бір жантүршігерлік ұшақ апаты болды

Бразилияда Cessna aircraft бизнес-джет ұшағы апатқа ұшырады, деп хабарлайды Orda.kz.

Бұл туралы ақпарат SHOT телеграм арнасында тарады. Мәліметтерге сүйенсек, ұшақ Убатуба қаласында орналасқан Гастан-Мадейра әуежайындағы ұшу-қону жолағынан шығып, қалалық жағажай маңында  апатқа ұшыраған. 

Апат салдарынан жеті адам жарақат алды. Оның ішінде жағажайда демалып жүрген адамдар да бар. Алайда әуе кемесінің ұшқышын құтқару мүмкін болмады.

Бортта бес адам болғаны расталды.  Куәгерлер ұшақтағы жолаушыларды құтқарып үлгерді, олардың көпшілігі балалар болған. 

Болжам бойынша, әуе ұшағы ауа райының қолайсыздығынан апатқа ұшыраған.