«Борат 2» фильмінің авторы Қазақстанға келуге дайын

Сценарист және актер Саша Барон Коэн шақырту алса, Қазақстанға келуге дайын. Бұл туралы ол «Известия» газетіне берген сұхбатында мәлімдеді, деп хабарлады ORDA.

Оның «Борат 2» фильмі қазақстандық журналист Борат Сагдиевтің Америка Құрама Штаттарындағы шытырман оқиғаларын баяндайды. Картина жылдың үздік комедиясы ретінде Американың Алтын Глобус сыйлығымен марапатталды. Фильмнің тұсаукесері 2020 жылдың қараша айында өтті.

Қазақстанда белсенділер Мәдениет және спорт министрлігіне «Борат 2» фильмін көрсетуге тыйым салуды талап еткен петиция жіберді, өйткені фильм нәсілшілдік пен ксенофобияға толы. Онда Қазақстан мен оның халқын масқаралайды.

Сатирик бұл оймен келіспейді.

— Маған Қазақстанда тұратын қазақтардың өзі әзілімді бағалап, Боратты жақсы қабылдағандарын айтты, деді ол.

Сұхбат барысындағы «Сізге шақырту жіберсе, Қазақстанға барасыз ба?» деген сауалға қарсы еместігін мәлімдеген.

Ол өзінің жұмысына сын білдірген көрермендерге сот ісінен қорықпайтынын хабарлады.