Қайрат Боранбаевтың экс-қызметкерлеріне қатысты тергеу аяқталды

Алматы қаласы бойынша Қаржы мониторингі агенттігі AlanParking директоры Мұхтар Базарбаев пен «Алматы Спецтехпаркинг Сервис» ЖШС басшысы Марат Пірінбековке қатысты 436 млн теңгені жымқыру фактісі бойынша қозғалған қылмыстық істі тергеуді аяқтады.

Сотқа дейінгі тергеп-тексеру барысында келтірілген шығын толық көлемде өтелгені хабарланды. Қылмыстық іс сотқа жіберілді.

Марат Пірінбеков 2016 жылдан бері «Алматы СпецТехПаркинг Сервис» ЖШС-ін басқарып келеді. Бұған дейін ол шенеунік болған: 1997-2008 жылдары Алмалы ауданы әкімінің орынбасары, 2008-2012 жылдары облыс әкімі қызметін атқарған.

Еске салсақ, қылмыстың басты айыпталушы әрі ұйымдастырушысы, қамауға алынған олигарх Қайрат Боранбаевтың ағасы Мұрат Боранбаев халықаралық іздеуге жарияланған болатын.

AlanParking – ақылы автотұрақтардың операторы. 2021 жылдың желтоқсанында «RR2» ЖШС (Қайрат Боранбаевқа тиесілі) мемлекеттен компанияның 30% акциясын сатып алды. 2022 жылдың сәуір айында автотұрақтар Алматы әкімдігіне қайтарылды.