Боранбаев мемлекетке құны 34 млрд теңгеге жуық активтерді берді

Олигарх Қайрат Боранбаев тағы да бірқатар активін мемлекет меншігіне өткізді.

Бұл туралы Қаржылық мониторинг агенттігі хабарлады.

Кәсіпкер «Алмалы» ойын-сауық орталығын, «Unity Hall» мүлікті басқару компаниясын және «Fitnation» фитнес клубтар желісінің Астана, Алматы, Қостанай қалаларындағы барлық филиалдарын үкіметке қайтарды.

Бұған дейін Боранбаев құны шамамен 35,4 млрд теңге болатын «Қаражанбас Северный» мұнай кен орнын, 1,4 млрд болатын «Comfort Hotel Astana» кешенін өз еркімен мемлекетке өткізген еді. 

Қаржы мониторинг агенттігінің хабарлауынша, бұл нысандар демалыс, сауықтыру және білім беру орталықтары ретінде қолданылатын болады.

Активтерді қайтару жұмыстары жалғасуда.