Боранбаев ірі көлемде қаржы жымқырды деген күдікке ілінді - қаржы мониторинг агенттігі

Қаржы мониторингі агенттігі қазақстандық кәсіпкер Қайрат Боранбаевтың күдікке ілінгенін айтты.

«Қаржы мониторингі агенттігі квазимемлекеттік сектордағы аса ірі көлемдегі қаражатты ұрлау фактісі бойынша қылмыстық істі тергеп жатыр. Осы қылмысты жасады деген күдікпен Қ.С.Боранбаев ұсталып, уақытша ұстау изоляторына қамалды» деп хабарлады ведомство.

Айта кетсек, 17 наурызда сот Боранбаевқа қатысты екі ай мерзімге қамауға алу түріндегі бұлтартпау шарасы санкцияланған.

«Тергеу жалғасуда. Қылмыстық-процестік кодекстің 201-бабына сәйкес, тергеу мүддесі үшін басқа мәліметтер жарияланбайды» деп қосты агенттік.

Бұған дейін Нұр-Сұлтан соты Қайрат Боранбаевтың қамауға алынғанын хабарлаған.