Бопсалаумен айналысқан топ Бурабай маңында ұсталды

Ақмола облысының полицейлері Бурабай курорттық аймағында әрекет еткен бопсалаумен айналысқан күдіктілерді ұстау бойынша арнайы операция жүргізді.

Бұл туралы Polisia.kz хабарлайды.

Шортандыда ұсталған бір топ жігіт физикалық күш көрсету арқылы жергілікті тұрғындарды, негізінен құрдастарын мобильді банк арқылы несие алып, ақшасын беруге мәжбүрлеген.

«Полицияға сегіз адам жеткізілді, оның төртеуі оқшауланды. Біз зардап шеккендердің барлығын анықтап жатырмыз» деді полиция.

Полиция офицерлерінің айтуынша, ұсталғандар тонау, алаяқтық және қылмыстық істерге қатысқан.