Бомба жайлы хабардан соң, Алматыдағы MEGA-дан халық үдере сыртқа шықты

9 желтоқсан күні таңертең Алматыдағы MEGA сауда орталығының келушілерін шұғыл түрде сыртқа шығарды. Алғашында жұрт оқу-жаттығу шығар деп ойлады. Дегенмен полицияға «жарылғыш зат» жайлы ақпарат түскен. Алайда ғимарат аумағынан жарылғыш зат табылмады, деп хабарлайды Orda.kz.

Өйткені біраз уақыттан кейін орталықтың ресми Instagram парақшасында мынадай хабарлама пайда болды:

«Құрметті келушілер! Сауда орталығы аумағында антитеррорлық қауіпсіздік бойынша жоспарлы оқу-жаттығу жүргізіліп жатыр. Сабыр сақтап, қызметкерлердің айтқанына құлақ асыңыздар…». 

Біз Алматы қалалық полиция департаментіне хабарластық.

Артынша жарылғыш зат табылмағанын айтты. Енді олар жалған ақпарат айтып, телефон шалған адамды анықтап жатыр. 

«Екі нысан да шұғыл қызметтердің қатысуымен жан-жақты комиссиялық тексеруден өтті. Ешқандай жарылғыш зат табылған жоқ. Нысандар қалыпты жұмыс тәртібіне қайта көшті. Қазіргі уақытта полицияның жедел бөлімшесі жалған ақпарат берген аноним адамның кім екенін анықтап жатыр. Ол заң бойынша жауапқа тартылады»,  деп мәлімдеді Алматы қалалық полиция департаментінің баспасөз қызметі. 

Orda.kz тілшісі оқиға орнында істің мән-жайын анықтап жатыр. Қазір жалға алушы қызметкерлерге ғимаратқа кіруге рұқсат етті.