Бомба «қойылған» Эйфель мұнарасына келушілер эвакуацияланды

Бомба қаупіне байланысты Эйфель мұнарасының үш қабатындағы адамдар эвакуацияланды, деп хабарлайды Orda.kz.

Эйфель мұнарасын пайдалану қоғамы (SETE) журналистерге айтқандай, Приждегі ең танымал орын үшін «бұндай жағдай сирек болғанымен іс-шара қалыпты»: кез келген  қауіп-қатер кезінде келушілер сыртқа шығарылады, деп хабарлайды interfax.ru.

Түстен кейін басталған эвакуация кезінде мұнараның үш қабатындағы, оның ішінде мейрамхана, сондай-ақ ескерткіш түбіндегі алаңдағы адамдар біраз әбігерге түсті. Жергілікті уақыт бойынша сағат 14:00-ге дейін барлық келушілер қауіпті делінген аймақтан шығарылды.

Біраз уақыттан кейін Эйфель мұнарасындағы бомба туралы хабар жалған болып шыққаны белгілі болды.

Бұл жерге келушілерді эвакуациялаумен қатар жүрген бомба туралы соңғы ескерту 2020 жылдың қыркүйегінде болған екен.