Болгарияда президенттік сайлауға 23 үміткер қатысуда

Республикада президенттік сайлаумен бір мезгілде Ұлттық жиналысы депутаттарының кезектен тыс сайлауы өтуде.

Бүгін Болгарияда республика Президентінің және Ұлттық жиналыс депутаттарының кезектен тыс сайлауы өтіп жатыр. Жергілікті уақыт бойынша сағат 07:00-де республика бойынша 13 мыңға жуық сайлау учаскесі ашылып, оның 9 399-ында дауыс беру мамандандырылған машиналар арқылы жүзеге асырылады.

«Сонымен қатар750 сайлау учаскесі әлемнің 68 елінде жұмыс істейді. 6,7 миллионға жуық азаматтың дауыс беруге құқығы бар» деп хабарлайды eadaily.com.

Кезектен тыс парламенттік сайлауға 20 партия мен жеті коалицияның өкілдері қатысуда, 4 пайыздық кедергіні еңсергендер Ұлттық ассамблеяға өтеді. 240 орынға 5 мыңнан астам үміткер тіркелген. Мамандардың айтуынша, дауыс беруге 3,3 миллионға жуық сайлаушы қатысады.