Болат Төкежанов Медициналық сақтандыру қоры басшылығынан кетті

Болат Төкежанов Медициналық сақтандыру қорының басшылығынан кетті, деп хабарлады Orda.kz дереккөзі.

Ол бұл қызметке 2020 жылы шілде айында тағайындалған.

Болат Төкежанов 1972 жылы 19 шілдеде ҚазКСР Шығыс Қазақстан облысында дүниеге келген.

1994 жылы Қазақ Мемлекеттік басқару академиясын « Экономист » мамандығы бойынша бітірген. 2010 жылы Қазақстан Республикасы Президенті жанындағы Мемлекеттік басқару академиясының ұлттық мемлекеттік саясат мектебінде мемлекеттік және жергілікті басқару магистрі дәрежесін алды.

Дьюка, Дарем, Солтүстік Каролина, АҚШ-та Стэндфорд университетінің мемлекеттік саясат мектебінде, сондай-ақ,  Сингапурдағы Ли Куан Ю  атындағы Ұлттық Университеттің мемлекеттік саясат мектебінде оқыған. 

Болат Төкежанов Қазақстанның салық қызметі жүйесінде жұмыс тәжірибесі бар, Шығыс Қазақстан облысындағы денсаулық сақтау ұйымдарын басқарды.

ҚР Денсаулық сақтау министрлігінде басшылық қызметтерді атқарды. ҚР Денсаулық сақтау министрлігінің вице-министрі, жауапты хатшысы болып жұмыс істеді.

«Құрмет» орденімен марапатталған, Қазақстан Республикасының Денсаулық сақтау үздігі. Үйленген, үш бала тәрбиелеп отыр.

Оның міндетін Қаржы министрлігінің хатшысы Айдын Ашуев атқарады.

Айдын Ашуев 1976 жылы 26 қазанда дүниеге келген.

Білімі:

• 1997 ж – Қазақ мемлекеттік басқару академиясы экономист мамандығы бойынша бітірген.

Еңбек өтілі:

• 1995-1999 жж - «Ақжол» ЖШС менеджері.
• 1999-2000 жж – ҚР Статистика агенттігінің Әлеуметтік-демографиялық статистика департаментінің демографиялық статистика департаменті бас маманы міндетін атқарды
• 2000-2001 жж - ҚР Статистика агенттігі төрағасының көмекшісі.
• 2001-2002 жж – ҚР Статистика агенттігінің Статистикалық ақпаратты талдау және жариялау департаментінің әлеуметтік талдау және нарықты зерттеу бөлімінің басшысы.
• 2002-2003 – ҚР Статистика агенттігінің Үйлестіру және статистикалық құралдар департаментінің Үйлестіру және статистикалық құралдар департаменті Халықаралық статистикалық ынтымақтастық басқармасының басшысы.
• 2003 жылдың шілде-тамызында ҚР Статистика агенттігі төрағасының кеңесшісінің міндетін атқарды.
• 2003-2004 жж - Сараптамалық несиелер мен инвестицияларды сақтандыру жөніндегі мемлекеттік сақтандыру корпорациясы» АҚ Басқарма төрағасының көмекшісі.
• 2004-2005 жж – Сараптамалық несиелер мен инвестицияларды сақтандыру бойынша мемлекеттік сақтандыру корпорациясы» АҚ маркетинг және сату бөлімінің бас маманы.
• 2005-2006 - Құрылысты өндірістік-техникалық жабдықтау департаментінің директоры, «МАГ» АҚ құрылыс техникасы департаментінің директоры.
• 2006 жылғы қазан – қараша – «ҚР Әділет министрлігінің Ұлттық зияткерлік меншік институты» МКҚК контрафактілік өнімдердің мониторингі және сараптамасы қызметінің басшысы.
• 2006-2007 – «Қазақстан Республикасы Әділет министрлігінің Ұлттық зияткерлік меншік институты» мемлекеттік қазыналық кәсіпорны «Патенттік-құқықтық кеңес беру орталығы» филиалының директоры.
• 2007 жылғы ақпан – шілде – «ҚазАгро» Ұлттық холдингі» АҚ Корпоративтік басқару департаментінің бас менеджері.
• 2007-2008 жж - «ҚазАгро» Ұлттық холдингі» АҚ Корпоративтік басқару департаментінің директоры.
• 2008-2009 - «ҚазАгроГарант» АҚ басқарма төрағасының орынбасары.
• 2009 жылы - Қазақстан Республикасы Төтенше жағдайлар министрлігі Мемлекеттік материалдық резервтер комитеті «Резерв» РМК бас директорының орынбасары.
• 2009-2011 - «Қазақстан Республикасы Статистика агенттігінің Ақпараттық-есептеу орталығы» республикалық мемлекеттік кәсіпорнының директоры.
• 2011-2014 жж - Қазақстан Республикасы Статистика агенттігі төрағасының орынбасары.
• 2014-2016 – Қазақстан Республикасы Ұлттық экономика министрлігі Статистика комитеті төрағасының орынбасары.
• 2016-2019 - «Амангелді Газ» ЖШС бас директорының экономика және қаржы жөніндегі орынбасары.
• 2019 жылғы қаңтар-тамыз – Қазақстан Республикасы Қаржы министрлігі Мемлекеттік сатып алулар комитетінің төрағасы.
• 2019-2020 - Қазақстан Республикасы Қаржы министрлігі Қазынашылық комитетінің төрағасы.
• 2020 жылғы 5 маусымнан бастап 2021 жылғы 19 қаңтарға дейін – Қазақстан Республикасы Қаржы министрлігінің жауапты хатшысы.

Автор: Исламбек Дастан