Болат Назарбаевтың «тоқалы» нашақорлығын мойындады

Болат Назарбаевтың заңсыз әйелі саналатын әнші Динара Әлжан бір айға жуық кокаин қолданғанын мойындады. Ол ойынханада жеңіліп қалған Қайрат Нұртасқа көлігін де берген.

Динара Әлжан «Уақыт көрсетеді» жобасының эфирінде осындай біраз істерін мойындады. Ол бір айға жуық кокаин сатып алып, иіскеп жүргенін  жалпақ жұртқа эфир арқылы жария қылды. Оның айтуынша, бәрі жаңа көлік сатып алу құрметіне арналған  кештен басталған.

— Мен алған көлігімді «жудым», шарап іштім. Мен аздап мас болдым... Сол жерде маған дәретханаға баруды және иіскеуді ұсынды, олар: «Иіскесеің  - бірден есіңді жиясың» деді, - дейді әнші.

Сұхбат жүргізушісі  оған не ұсынғанын сұрағанда, Әлжан: «кокаин» деп ашық жауап берді. Сонымен бірге ол 13 жасынан бастап намаз оқитынын, бірақ кейінірек тастағанын, үйінде ешкім темекі шекпейтінін, ішімдік ішпейтінін айтты. Нәтижесінде бірінші реткі құмарлық соңғысы  болып қалмаған. Назарбаеваның айтуынша, ол тағы да бірнеше осындай кештерге шақырылған. Содан кейін бұл оған қызықты іс болып көрініп, ол есірткі сатып ала бастаған.

— Менің кінәм – бас тартпағаным. Мен Болаттың әйелімін. Шайтан шатастырған шығар. Бірақ алдымен тегін ұсынылғанда байқап көріп, одан кейін адам  тәуелді болып шығады. Мен бұған біраз кірісіп, үйге әкелетін тапсырыс бере бастадым, - деді Әлжан.

Әнші екі-үш күнде кокаинге орташа есеппен 350 доллар жұмсағанын айтты. Ол Болат Назарбаевтың ақшасы екенін жасырмады. Сондай-ақ эфирде әйел бір кездері козинодан жеңіліп қалған Қайрат Нұртасқа көлігін  бергенін де мойындады. Ол бәрін қайтарып, үстіне біраз ақша қосып беруге уәде берген. Бірақ Нұртас  уәдесін орындады ма, жоқ па, ол жағы кадрдан тыс қалды.