Болат Назарбаевтың ұлы Астанада заңсыз сауда орталығын салған

Марқұм Болат Назарбаевтың 22 жастағы ұлы Ханболат Назарбаев Астанада сауда орталығын салмақ болған, бірақ оның нысанды салуға рұқсаты жоқ болып шықты. Нәтижесінде оған айыппұл салынды, деп хабарлайды Orda.kz.

2020 жылдың 20 ақпанында оған елордадан Тәуелсіздік даңғылы бойындағы жер телімі сыйға (кәмелеттік жасқа толғаны үшін) тартылды. Ол мейрамханасы бар қонақ үй кешені болды. 2023 жылдың 5 маусымында әкімдікке жер телімінің мақсатын өзгерту туралы өтінішпен жүгінген. Ол сол жерге сауда орталығын салғысы келген. Жауапты күтпестен мейрамханамен бірге қонақ үй кешенін бұзып, сауда ойын-сауық кешенін салуға кірісті. Бірнеше айдың ішінде қадаларын орнатып үлгерді.

Астанада әкімдікпен сот процесі басталғанда Ханболат Назарбаев оған келмеді.

«Сот отырысында  «Астана қаласының Қалалық қоршаған орта мен сапасын бақылау басқармасы» ММ-нің өкілі жоспардан тыс тексеру нәтижелері бойынша мемлекеттік нормативтік құқықтық актілерде және сәулет, қала құрылысы және құрылыс қызметі саласындағы өзге де құқықтық актілерде көзделген талаптардың бұзылғаны анықталғаны туралы куәлік берді. Бұл жерде бұрын мейрамханасы бар қонақ үй кешені болған және жер телімінің нысаналы мақсаты, тіркеуші органның мәліметі бойынша, сот ұйғарымында көрсетілгендей, «мейрамханасы бар қонақ үй кешенін пайдалану» болған.

Нәтижесінде сот Назарбаевқа ҚР ӘҚБтК-нің 463-бабын бұзғаны үшін 103 500 теңге айыппұл салып, барлық ғимараттарды бұзуға міндеттеді.

Сондай-ақ, 22 жастағы Ханболат Назарбаевтың бірнеше компанияның негізін қалаушы екенін де білдік. Олардың қатарында «Newkazgroup Development» және «Amanat-building» құрылыс компаниялары, Imexpharma фармацевтикалық компаниясы және BN HAN invest group инвестициялық компаниясы бар.

Бір қызығы, 1999 жылдан 2019 жылға дейін Newkazgroup девелопмент астық сатумен айналысқан және оның құрылтайшылары Назарбаевтар отбасынан ешкімді қоспаған. Бірақ 2019 жылы компания ұзақ мерзімді профилін толығымен өзгертеді, ал 2021 жылы Ханболат Назарбаев оның тең құрылтайшысы болады.