Болат Назарбаевтың қолшоқпары болған Қоспаевтың соты басталды

Қазақстанның экс-президенті Нұрсұлтан Назарбаевтың марқұм інісі Болат Назарбаевтың қылмыс әлеміндегі сенімді серігі болған Елдос Қоспаевтың ұйымдасқан қылмыстық тобына қатысты сот отырысы басталды, деп хабарлайды Orda.kz

Айта кетейік, бұл ұйымдасқан қылмыстық топтың құрамында Елдос Қоспаевтың ағасы Айдос, Ерлан Имашев, Руслан Шалин, Оксана Кудряшова, Дастан Әбіжанов, Тимур Танашев және Қоспаевқа жақын басқа қылмыс әлемінің өкілдері бар. Бұлардың көпшілігі ұлттық қауіпсіздік комитетінің Солтүстік Кипрмен білескен арнайы операциясының нәтижесінде ұсталған болатын.

Қоспаевқа қатысты соттың басталғанын facebook әлеуметтік желіде Алмас Әбдіғаппаровтың қорғаушысы Сәуле Қобжанова хабарлады.

«Біз бұл істің алға жылжуы үшін 3 жыл бойы жұмыс істедік. Арыз беріліп, қылмыстық іс қозғалған сәттен бастап Астанаға Бас прокуратураға  барудан шаршамадық. Себебі қылмыстық іс қозғауға ұмтылдық, ақыры дәлелдеріміз тыңдалып, қолдау тапты. 3 жыл бойы күйзеліспен ауқымды жұмыс атқарылды. Әділдікке деген мызғымас сенім мен үміт ақталды», — деді Әбдіғаппаровтың қорғаушысы.

Сонымен қатар, Қобжанова бұл істе сексуалдық сипаттағы қылмыстар да бар, сондықтан процесс жабық өтеді деп мәлімдеді. Сондай-ақ ол әділ үкім шығарылып, әділеттілік салтанат құратынына үміттенетінін айтты.