Болат Назарбаевтың қызы туралы жаңа ақпарат жарияланды

Telegram-арналардың бірінде экс-президент Нұрсұлтан Назарбаевтың інісі Болат Назарбаев қызын әншілік жолға салғанын хабарлады.

2019-2020 жылдары Қазақстан шоу-бизнесінде ALBA бүркеншік атымен жаңа әнші пайда болған. Оның менеджері - танымал Ninety One тобының негізін қалаушы Ерболат Беделхан.

«Осылайша Беделхан ALBA-ны жарыққа шығарған. Бұл туралы одан Болат Назарбаевтың өзі бірнеше рет сұрағаны белгілі болды. Продюсер одан бір рет бас тартуға батылы барған, бірақ келесі жолы ол экс-президенттің інісінің ұсынысын қабылдауға мәжбүр болған.

Альбина Болатқызы мен Ерболат Беделхан бір жыл ғана жұмыс істеді. Хиттер мен танымал әндер жазылмады, алайда бейнеклиптер түсірілді. Ақпарат көздеріне сүйенсек, тректердің әрқайсысына 10 млн теңге жұмсалған» делінген хабарламада.

Назарбаева Альбина Болатқызы қазір немен айналысып жүргені белгісіз. Анда-санда ол Instagram парақшасында шетелден түскен суреттерін салып тұрады.