Болат Назарбаевтың ұлына қарсы қылмыстық іс қозғалған жоқ

Болат Назарбаевтың ұлы Нұрбол Назарбаевқа қатысты қылмыстық іс тіркелген жоқ.

Бұл туралы Алматы облысы полиция департаменті хабарлады.

«Нұрбол Назарбаевқа қатысты қылмыстық іс Алматы облыстық полициясы тергеушілерінің өндірісінде тіркелмегенін хабарлаймыз» деді облыстық полиция департаменті басшысының орынбасары, полиция полковнигі Мақсат Ережепов.

Еске салайық, экс-президент Нұрсұлтан Назарбаевтың бауыры Болат Назарбаевтың ұлына адам өлтірді деген айып тағылды деген ақпарат тараған болатын.

EGOV.PRESS telegram-арнасының сенімді дереккөзінің хабарлауынша, Болат Назарбаевтың ұлы, Алматы облысы бойынша полиция департаменті бастығының бұрынғы орынбасары Нұрбол Назарбаевқа үш адамды өлтірді деген айып тағылған.