Болат Назарбаевтың денсаулығына қатысты жаңа деректер шықты

Қазақстанның экс президенті Нұрсұлтан Назарбаевтың інісі Болат Назарбаевтың денсаулық жағдайы туралы жаңа деректер шықты.

Бұл туралы оған тиесілі «Салиқалы ұрпақ» қоры хабарлады.

— Болат Назарбаевтың жағдайы тұрақты ауыр және 2015 жылдан бері онкологиялық аурудан емделіп жатқанын хабарлаймыз, — деді қоғамдық қордың директоры Қасым Қасабеков.

Бұған дейін БАҚ Болат Назарбаевтың суреттері мен видеоларын жариялаған болатын. Дереккөздерің айтуынша, Болат Назарбаевтың жағдайы өте ауыр деп бағаланып, медициналық қызметкерлер шын мәнінде оның өмірі үшін күресіп жатыр.

«Салиқалы ұрпақ» қоғамдық қорының сайтында құрылтайшы ретінде Болат Назарбаев көрсетілген.

Болат Назарбаев наурыз айында 69 жасқа толды.