Болат Назарбаевпен бірге белгісіз Нұрсайын Назарбаев Дубайға ұшып кеткен

Қырғызстанға Қазақстанның тұңғыш президенті Нұрсұлтан Назарбаевтың інісі Болат Назарбаевпен бірге «БН Қаскелең» футзал клубының басшысы Бауыржан Нұрғазыұлы және Нұрсайын Назарбаев ұшып келген.

«Азаттық радиосы» хабарлағандай, бірнеше қырғыз шекарашылары Назарбаевтың інісі Болат Назарбаев пен «тағы бес-алты адам» 6 қаңтар күні таңертең Ақ Жол шекара бекеті арқылы Қырғызстан шекарасынан өткендігін хабарлады. Олардың есімдерін көрсетпеуді өтінген шекара қызметінің қызметкерлері «Болат Назарбаевты және оның айналасындағыларды Қырғызстан билігіне жақын адамдар қарсы алды» деп мәлімдеді. Болат Назарбаевтың, сондай-ақ Нұрсайын Назарбаевтың және Бауыржан Нұрғазыұлының төлқұжаттарының көшірмелері алынды. Олар да Қырғызстанға 6 қаңтарда келген.

Нұрсайын Назарбаев туралы ақпарат ашық дереккөздерде жоқ.

Бауыржан Нұрғазыұлы есімді адам Алматыдағы «Барыс» базары басшыларының бірі және Алматы облысының Қаскелең қаласында құрылған «БН Қаскелең» футзал клубының президенті екені белгілі.

Нұрсұлтан Назарбаевтың інісі Қазақстаннан Қырғызстанға бірнеше адаммен келгенін бірден бірнеше дереккөз растады. Бішкектің «Манас» әуежайында бірқатар аты аталмаған қызметкерлер «Болат Назарбаев және тағы бірнеше адам Қырғызстан арқылы Дубайға ұшып кетті» деп нақтылады.

– Bombardier ұшағы 2022 жылдың 6 қаңтарында Манас халықаралық әуежайына қонды. Ол Дубайдан келді. Ұшақтың кімге тиесілі екені белгісіз. Коммерциялық ұшақтың жолаушылары кім, біз білмейміз. Бұл біздің міндетімізге кірмейді, – деді «Манас» әуежайының баспасөз хатшысы Әлия Құрбанова.

Еске алсақ, Назарбаевтың інісі Болаттың автокөлікпен Қырғызстанға кетіп, Бішкектен Дубайға ұшып кеткенін хабарлағанбыз.