Болат Назарбаев Түркияда емделіп жатыр – дереккөз

Қазақстанның экс-президенті Нұрсұлтан Назарбаевтың бауыры Болат Назарбаев Түркияда емделіп жатыр.

Бұл туралы «ABZHAN NEWS» telegram-арнасы хабарлайды.

«Болат Назарбаев Түркияда емделіп жатыр, деп хабарлады дереккөз. Тұңғыш президенттің інісінің диагнозы нақтыланбады» делінген хабарламада.

Еске салсақ, бүгін Мәжіліс спикері Ерлан Қошанов Болат Назарбаевтың бақылауында болған Алматы маңындағы «Алтын Орда» базарының төңірегіндегі тергеуге қатысты жағдайға пікір білдірді.

–  Бүгінгі күні «Алтын Ордаға» қатысты тергеу жүріп жатыр. Білесіздер, тек «Алтын Ордаға» ғана қатысты емес, менің ойымша, әділ шешім шығарылады. Соңғы шешімді күту керек. Бірақ, менің ойымша, бүгін сіз өз көзіңізбен көріп отырғандай, жауапқа тартылмайтын нәрсе жоқ, сондықтан кім қылмыс жасаған болса, мейлі ол базардың қожайыны болсын, мейлі басшысы болсын, ол тиісті жазасын алады, – деді Қошанов.

Еске сала кетейік, бұған дейін Алматы облысының әкімі Қанат Бозымбаев айтқандай, «Алтын Ордаға» қатысы бар фирмалар бюджетке 20 миллион теңгеден аспайтын салық төлеген.

Алматы әкімі Ерболат Досаев делдалдық схемаларды тексеретін комиссия «Алтын Орда» базарын басып алатынын мәлімдеді. «Алтын Орда» базарында 1,1 млрд теңге көлемінде салық бұзушылықтар анықталғанын хабарланды.