Болат Назарбаев Барыс автобазарынан айырылды

Қазақстан экс-президенті Нұрсұлтан Назарбаевтың інісі Болат Назарбаевқа тиесілі «Барыс» автобазары мемлекет меншігіне өтті.

17 сәуірде болған сот отырысында «Барыс» автобазары орналасқан 37,6 гектар жер телімі туралы келісім-шарт жарамсыз деп танылды. Бұл жер негізінен ауыл шаруашылығына бөлінген.

Алматы облысы прокуратурасының баспасөз қызметінің хабарлауынша, шешім 17 сәуірде жарияланған. Судья А.Б.Ахметова Қарасай ауданы прокуратурасының жер телімдерін сату туралы үлгілік шарттарды жарамсыз деп тану туралы талап арыздары қанағаттандырылды.

Еске салайық, прокуратура, жергілікті әкімдік және Болат Назарбаев арасындағы іс ағымдағы жылдың наурыз айының соңында басталған болатын.

2004-2019 жылдар аралығында жер телімдерін сату бойынша 7 келісім-шарт жасалған. Мемлекеттік жерлер: Қарасай ауданы, Қаскелең қаласы әкімдігі және аудандық жер қатынастары бөлімі арқылы әр уақытта берілген.

Болат Назарбаевтың тағы 1,5 мың гектар аумақтағы жер телімі мемлекетке қайтарылуы мүмкін.