Болат Назарбаев «Қазақстан халқына» қорына 1 млрд теңге аударды

Болат Назарбаевтың «Салиқалы Ұрпақ» қайырымдылық қоры президент Қасым-Жомарт Тоқаевтың ұсынысымен ашылған «Қазақстан халқына» қорына 1 млрд теңге аударды.

«Қор басшысы мен ұжым атынан қаңтар оқиғасы кезінде қаза тапқандардың отбасына шын жүректен қайғырып, көңіл айтамыз. Ел үшін осындай қиын шақта біз мемлекет басшысының маңына топтасып, Қазақстан халқына көмектесуге тиіспіз» деді қордың директоры Қасым Қасабеков.

Еске салсақ, Салиқалы Ұрпақ қоры 2016 жылы құрылған.

Айта кетсек, қазіргі таңда «Қазақстан халқына» қорына 13 мыңға жуық өтініш келген. Қорда 115 млрд теңге жиналған.