Болат Назарбаев Алматы орталығындағы зәулім үйін сатылымға шығарды

Әлеуметтік желіде тұңғыш президент Нұрсұлтан Назарбаевтың туған інісі Болат Назарбаевтың тағы бір зәулім үйіне қатысты ақпарат тарады.

«Выход к морю» Telegram арнасының хабарлауынша, Болат Назарбаевтың Алматыдағы Атакент көрме алаңы маңында 72 сотық (0,72 гектар) жерге салған зәулім үйі бар екен.

«Мемлекеттік жер кадастры дерегі бойынша, үй ботаникалық бақ пен Южный саябағының арасында орналасқан. Google-дің спутниктік суреттеріне сенетін болсақ, бұл қарапайым үй емес, аумақтағы ең үлкен жеке зәулім үй» делінген жазбада.

Ол үйдің аумағында спорт алаңы, субұрқақ, гараж және тағы бірнеше қосалқы ғимараттар бар, Қазір сол үй сатуға шығарылған. Көршілес орналасқан аумағы 600 шаршы метр үйдің (суретте сары түспен белгіленген) бағасы 1 млрд теңге. Ал Болаттың үйі деген нысанның (1,5 мың шаршы метр) нарықтық құны жер телімін есепке алғанда 3-4 млрд теңгеге бағалануы мүмкін.