Болат Назарбаев ағасы Нұрсұлтан Назарбаевқа арнап ән жаздырды

Қазақстанның тұңғыш президенті Нұрсұлтан Назарбаевтың інісі Болат Назарбаев ағасына арнап ән жаздырды.

Бұл туралы халық әртісі Мақпал Жүнісова өзінің Instagram парақшасында хабарлады.

Аталған әннің бейневидеосын жария етті. 1 желтоқсанда елде Қазақстанның тұңғыш президенті күнін атап өтті. Бұл мереке қарсаңында Елбасының інісі ағасына арнайы ән жаздырды.

«Аға, сенсің Алатауым» деп аталатын әннің видеосын халық әртісі Мақпал Жүнісова өзінің Instagram желісіндегі парақшасында жария еткен.

Бейнекадрларға қарайтын болсақ, онда Нұрсұлтан Назарбаевтың отбасылық суреттері мен жас кездердегі фотоархивтері бейнебаян ретінде көрсетілді. Осы ән арқылы ол ағасына деген құрметі мен сүйіспеншілігін білдірді.

«Ағасына інісі арнайы ән жаздыртып айтқаны өте жарасымды, бүгін мереке екенін ұмытып кетіппіз,жолда жүргесін,тұңғыштың аты тұңғыш әрине,бұл да тарих,ел іргесі бүтін болып,ешқашан соғыс болмасыншы деп тілеймін» делінген Мақпал Жүсінованың жазбасында.