Болат Мажағұловтың 10 жыл бойы жасырған некесіз балалары мен тоқалына қатысты дау

Астана қаласы мәдениет басқармасының бұрынғы басшысы Болат Мажағұловтың туысы Ұлпан Бегалиева оның 10 жыл бойы жасырған тоқалы мен некесіз балалары бар екенін айтты, , деп хабарлайды Orda.kz.

Астананың қылмыстық істер жөніндегі ауданаралық сотында сыбайлас жемқорлық ісі бойынша, мәдениет басқармасының бұрынғы басшысы Болат Мажағұловтың ісі қаралып жатыр. Сонымен қатар, оған туыстарының да айтары бар екен.

Өзінің instagram парақшасында Мажағұловтың туысымыен деген Ұлпан Бегалиева оның заңды жанұясынан бөлек жасырып келген екінші отбасы бар екендігін айтты. Сондай-ақ, Бегалиеваның айтуынша, қазір әлеуметтік желіде Мажағұловтың жақтастары оның ішінде өнер адамдары да бар, пост жариялап, оның адал адам ретінде көрсетуге тырысып жатыр.

«Болат Бауыржанұлы, сен өз жазбаларыңда конституциялық құқықтарыңды сақтау туралы айтасың. Ендеше, неге заңды балаларыңнан олардың әкесімен бірге өмір сүру және толық отбасы болу құқығын қалай жойғаныңды айтпасқа. Егер сен осы құқықтарын тартып алып, оларға моральдық және рухани соққы жасасаң, ер азамат ретінде жауапкершілікті көтер. Өмірде бәрі болады, бірақ сатқындық жасаған күннің өзінде, дұрыс қадам жасауға болады» деп жазды Бегалиева.

Бегалиеваның айтуынша, көпшілікке  жомарт азамат болып танылған Болат Мажағұлов өзінің заңды некеде туған балаларына көмектеспеген.

«Қазір Болат Бауыржанұлы өзін қоғам алдында адал, парасатты адам ретінде көрсетуге тырысуда. Алайда, оның заңды отбасына қатысты әрекеттері мүлде басқа жағдайды көрсетеді. Иә, оның жомарттығын барлығы біледі, бірақ бұл жомарттық заң бойынша тиісті адамдарға жеткен жоқ», – деді Бегалиева.

Еске сала кетейік, 2023 жылдың қыркүйегінде қаржы мониторинг агенттігі 2016 жылы Есіл өзенінде салынған «Күн» субұрқағы құрылысы кезінде  1 миллиард теңгеден астам қаражат жымқырылғанын анықтаған болатын. Субұрқақ құрылысына жауапты болған сол кездегі Мәдениет басқармасының басшысы Болат Мажағұлов қамауға алынды.