Болат Әбілов қаңтар құрбандарына ескерткіш орнатуға ниетті

Бүгін Алматыда қанды қаңтар құрбандарын еске алу рәсімі өтті. Қатысушылар Тәуелсіздік монументіне гүл шоқтарын қойды.

Шерушілер арасында Болат Әбілов пен оның жақтастары да болды.

Гүл шоқтарын қойғаннан кейін жиналғандар марқұмдарды еске алып, оларға құран бағыштады.

Артынша Әбілов қаңтар қырғыны құрбандарына ескерткіш қоюға ұсыныс тастап, оның жобасын ұсынды. Белсенді жақын арада биіктігі 10 метр болатын толыққанды ескерткіш тұрғызуды жоспарлап отыр.

Сондай-ақ, Болат Әбілов Назарбаев даңғылының атауын Қаңтар көшесі деп өзгертуге шақырды.

Алдыңғы қатарда 6 қаңтарда түсірілген әйгілі суреттегі туды ұстаған Берік Әбішев тұр – оның артында «Қарапайым халықпыз, террорист емеспіз» деген жазуы бар плакаттары бар бірнеше ондаған адам тұр.

Болат Әбіловтың айтуынша, оның партиясы қаңтар оқиғасын халық көріп, тарихта мәңгі қалатындай етіп қалпына келтіргісі келеді.

«Террористер, әрине, тізімге енбейді. Біздің білуімізше, қаза тапқандардың 90 пайызы қарапайым тұрғындар. Бұл билікке тиімді емес екенін түсінеміз» деді Әбілов.

Шара бейбіт түрде өтті.