«Болашақта келіп танысқыларың келсе мен сендермен кездесуге де дайынмын»: шетелдік қазақ бала өз арманын айтты.

Шетелдіктер асырап алған қазақ баласы өз мұңын шертті, деп хабарлайды Orda.kz порталы.

Испанияда тұратын отбасы асырап алған, 16 жастағы Ақылбек атты бала да анасын іздемекші.

Оның аты Испанияда Луис және оның арманы биологиялық анасын табу.

Туған ата-анамды тауып жатсам, неге тастап кеткенін сұрар едім, себебін айтса екен. Мені неге тастап кеттіңдер? Мені асырап алған отбасыма ризамын. Болашақта келіп танысқыларың келсе мен сендермен кездесуге де дайынмын.  Кездескенде «Жағдайларың қиын болды ма? Менің басқа туыстарым, бауырларым, қарындастарым бар ма?» деген сияқты сұрақтарыма жауап алғым келеді, - деді Луис-Ақылбек.

Ақылбектің ата-анасы оны қалай және қашан балалар үйіне қалдырғанын білмейді. Алайда испандық әйел оны Ақтаудағы балалар үйінен асырап алғанын айтты.