Болашақ бағдарламасымен білім алғандар енді елге қайтпаса да болады

Болашақ бағдарламасымен оқығандар енді елге қайтпаса да болады. Бірақ белгілі бір шарттарды орындауы керек, деп хабарлайды Orda.kz. 

Кеше, 20 қаңтарда ғылым және жоғары білім министрлігі «Болашақ» стипендиясын алу және жүзеге асыру ережелеріне өзгерістер енгізілгенін мәлімдеді.

Жаңа ережеге сәйкес, іріктеуден өткендер ғана шәкіртақы ала алады. Бұрын жыл соңына дейін күту қажет болса, енді сол күнтізбелік жыл ішінде қайта өтініш беруге болады.

Осы уақытқа дейін стипендиаттар Қазақстанға оралып, елде кемінде бес жыл жұмыс істеуі керек еді. Бұл талап енді міндетті емес.