Болашағы белгісіз қалаға миллиардтаған ақша салу керек пе? – Маңғыстау облысы әкімінің орынбасары Жаңаөзен жайлы

«Өзенмұнайгаз» АҚ-да Жаңаөзенде мектеп салу ұсынылғанымен оған Маңғыстау облысы әкімінің орынбасары Гүлмира Қалмұратова бұл идеяның орынсыздығы туралы мәлімдеді.

Бұл туралы компанияның қоғаммен байланыс департаментінің директоры Әділ Сүйебай мәлімдеді. Білім және ғылым министрі Асхат Аймағамбетовтың қатысуымен өткен жиналыстың видеосы саясаттанушы Ербол Еділов өзінің Telegram-арнасында жариялады.

Әділ Сүйебайдың айтуынша, мұнай компаниясы бюджетке шамамен 180 млрд теңге жібереді.

– Біз Жаңаөзен қаласында жоспарланған үш мектептің ішінен бір мектеп салу туралы ұсыныс жасадық, – деді ол.

Бұл мәселелер жергілікті атқарушы билік өкілдеріне ұсынылғаны бірінші жыл емес.

– Білім беруді жетекшілік ететін Маңғыстау облысы әкімінің орынбасары Гүлмира Қалмұратованың соңғы сөзін айтайын «Жаңаөзеннің болашағы белгісіз, миллиардтаған ақша салу керек пе?» деп, дәл осылай айтты. Мен ойлаймын егерде облыс әкімдігінде салаға жауап беретін адамның пікірі мен әдісі осындай болса, Жаңаөзеннің шыныменде болашағы... Егер облыс әкімдігінде осы салаға жауап беретін адамының пікірі сондай болса, біз қаламызды тастап көшіп кетейік. Жастардың қандай болашағы бар?, – деді Сүйебай.