Болашақ мұғалімдер ҰБТ-да 75 балл жинауы керек

Қазақстанда педагогикалық мамандықтарға түсетін талапкерлерге қойылатын талаптар «қатаңдатылды», деп хабарлады ORDA.

Енді мұғалім болу үшін 50 балл емес, кем дегенде 75 балл жинау керек.

 — Педагогикалық кадрларды даярлау деңгейін арттыру мақсатында жоғары оқу орындарына түсуге қойылатын талаптар күшейтілді. Шекті балл 50-ден 75 балға дейін көтерілді, деді білім министрі Асхат Аймағамбетов үкімет отырысында.

Мемлекет басшысының тапсырмасымен мұғалім болғысы келетін студенттердің стипендиясы 42 мың теңгеге дейін ұлғайтылды. Нәтижесінде «Алтын белгі» иегерлері жаппай мұғалімдікке ұмтылды. Осыған дейін, олар ҰБТ-дан орташа 60-тан 90 балға дейін алса жеткілікті болған.

Министр 2022 жылдан бастап түлектер шығармашылық қабілеттері бойынша аттестаттаудан өтетіндігін айтты.