Бокстан әлем чемпиондарына Астанадан пәтер берілді

Бокстан әлем чемпионы атанған Санжар Тәшкенбай мен Нұрбек Оралбайға Астанадан пәтер табысталды.

Спортшыларға үш бөлмелі пәтер кілттерін елорда әкімі Жеңіс Қасымбек табыс етті. Әкімдіктегілер баспана демеушілер есебінен алынғанын айтты.

Ташкентте өткен әлем чемпионатында Тәшкентбай мен Оралбай алтыннан алқа тағынды. Бокстан Қазақстан құрамасының қоржынында барлығы төрт алтын және бір күміс бар.

Бұған дейін қазақ боксшылары еліміздің президенті Тоқаевпен кездескен болатын.